Külsheim Stadt der Brunnen im lieblichen Taubertal

Schon lange her...

Külsemer G`schichtle

Hört ihr Läut un loßt äuch soche

wos sich in Külse hot zugetroche...

Summer wor`s un wosfer oner,

scho früh`s ismer g`sesse mit de Füß im Omer -

un hinnenohch ismer schnell in de Garde

un hot geguckt wos die Kadoffelkäffer mache

Die Käffer wore groß, die Grummbiere wore klo

un jeder hot gedocht, oh kähm halt emol än Räche ro

es onziche wos in dem Johr im Garde is g`schprosse

des wore de Kadoffelkäffer ihr Sommerschprosse

Em Ofang wor`s jo ganz schö des gisse

doch nochrer Weil hotmer gedocht jetz is uf alles g`sch...

Die Sunn hot gebrennt, die Schnogge häbbe g`schtoche,

die Brunne häbbe g`schtöhnt in dene haße Wuche

Mit Tasse un Kanne, mit Fässer un Wanne

sänn die Läut kumme un häbbe vom Brunne es Wasser gezapft.

Do siehtmer mol widder  wie schö mir Külsemers häbbe,

nit jeder hot sou schöni Brünnli im Städtle.

Un Humor häbbe die Külsemer och, des is g`wieß

ihr häbbt beschtimmt g`sähe

wos an dem one Brunne g`schtanne is !

"Freie Tankstelle   Tag und Nacht geöffnet"

zugetroche Anno 1983 - aufgeschrieben von Marianne Adam